IPL 2026 દરમિયાન સૂર્યકુમાર યાદવ બન્યો પિતા, પત્ની દેવીશાએ પુત્રીને આપ્યો જન્મ

ભારતીય ક્રિકેટ ટીમના T20 કેપ્ટન સૂર્યકુમાર યાદવ અને તેની પત્ની દેવીશા શેટ્ટી માતા-પિતા બન્યા છે. તેમના ઘરે એક સુંદર પુત્રીનું સ્વાગત થયું છે. સૂર્યકુમાર યાદવે તાજેતરમાં જ 2026ના T20 વર્લ્ડ કપમાં ભારતીય ટીમને વિજય અપાવ્યો હતો. મેદાન પર 360 ડિગ્રી શોટ માટે જાણીતા આ સ્ટાર ખેલાડીએ નાની પરીનું સ્વાગત કર્યું છે. તે મુંબઈ ઈન્ડિયન્સની આગામી આઈપીએલ મેચનો ભાગ હશે કે નહીં તે સ્પષ્ટ નથી.

સૂર્યકુમાર યાદવ ઘરે નાની પરીનું થયું આગમન

સૂર્યકુમાર યાદવે 2016 માં દેવીશા શેટ્ટી સાથે લગ્ન કર્યા. મુંબઈના વતની સૂર્યકુમારે તે શહેરમાં અભ્યાસ કર્યો જ્યાં તે દેવીશાને મળ્યો હતો. તેમની લવસ્ટોરી કોલેજમાં શરૂ થઈ હતી. દેવીશા શેટ્ટીને કોલેજના દિવસોમાં ડાન્સ કરવાનો શોખ હતો. કોલેજમાં એક પર્ફોર્મન્સ દરમિયાન સૂર્યાને તેના પ્રેમમાં પડી ગઈ. અહીંથી તેમની લવસ્ટોરી શરૂ થઈ.

આ વર્ષે માર્ચ મહિનામાં દેવીશા શેટ્ટીના બેબી શાવરનો એક વીડિયો સોશિયલ મીડિયા પર વાયરલ થયો હતો. તેમાં સૂર્યા અને દેવીશા એક હોલમાં પ્રવેશતા જોવા મળે છે. આ વીડિયો સામે આવ્યા પછી સ્પષ્ટ થઈ ગયું કે સૂર્યાની પત્ની પ્રેગ્નેન્ટ હતી. હવે તેમના ઘરે એક નાની પરીનું આગમન થયું છે. IPL 2026 અત્યાર સુધી સૂર્યકુમાર યાદવ માટે કંઈ ખાસ રહ્યું નથી.

શું સૂર્યકુમાર યાદવ RCB સામેની મેચ નહીં રમે?

મુંબઈ ઈન્ડિયન્સ IPL 2026માં ખરાબ ફોર્મનો સામનો કરી રહી છે. તેઓ અત્યાર સુધી 10 માંથી ફક્ત 3 મેચ જીતી શક્યા છે. ટીમની આગામી મેચ 10 મે ના રોજ રાયપુરમાં રોયલ ચેલેન્જર્સ બેંગલુરુ સામે રમાશે. મીડિયા રિપોર્ટ્સ મુજબ સૂર્યકુમાર યાદવ ટીમ સાથે રાયપુર ગયો નથી. તેથી એવું માનવામાં આવે છે કે તે આ મેચમાં રમતો જોવા મળશે નહીં.

આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?